नेपाली कांग्रेसको १५ औँ महाधिवेशन आगामी भदौमा गर्ने प्रस्ताव गरिएको छ ।
पार्टी केन्द्रीय कार्यालय सानेपामा जारी केन्द्रीय समितिको बैठकमा पार्टी सभापति गगन कुमार थापाले पार्टीको १५ औँ महाधिवेशन भदौ २४ देखि २६ गतेसम्म काठमाडौंमा गर्ने प्रस्ताव पेश गरेका हुन् ।
सभापति थापाले कार्यतालिकासहित महाधिवेशनको मिति प्रस्ताव गरेका हुन् । केन्द्रीय समिति बैठकमा छलफल गरिसकेपछि निर्णय गरिने बताइएको छ ।
सभापति थापाले प्रतिनिधिसभा निर्वाचनमा आफू र पार्टीले नराम्ररी हार ब्यहोरेपछि सभापति पदबाट राजीनामा दिएका थिए । उनको राजीनामा केन्द्रीय समितिको बैठकले अस्वीकृत गरेको छ ।
सभापति थापाको राजीनामा अस्वीकृति गरेर केन्द्रीय समिति बैठकले पार्टीको आगामी महाधिवेशनको तयारी गर्ने तयारी गरेको थियो । आज बैठकमा सहभागी हुँदै थापाले महाधिवेशन भदौमा गर्ने प्रस्ताव गरेका हुन् ।
