प्रहरी महानिरीक्षक दान बहादुर कार्कीले इनिशा विक हत्या प्रकरणमा तथ्य र प्रमाणका आधारमा अनुसन्धान भैरहेको जानकारी दिएका छन् ।
अन्तर्राष्ट्रिय जाती तथा रंगभेद उन्मूलन दिवसको अवसरमा काठमाडौंमा आयोजित कार्यक्रममा प्रहरी महानिरीक्षक कार्कीले सुर्खेतको उक्त घटनामा कानूनको अक्षरशः पालना गर्दै तथ्य र प्रमाणका आधारमा अनुसन्धान भैरहेको बताए ।
उनले पीडित परिवारसँग निरन्तर सम्पर्क भैरहेको र दोषीलाई कारबाहीका साथै न्याय पाउनुपर्ने आवाजको सुनुवाइ हुने प्रतिबद्धता जनाए । छिट्टै उक्त घटनाको निष्कर्ष बाहिर ल्याइने महानिरीक्षक कार्कीको भनाई रहेको छ ।
सबै नागरिकले समान हक अधिकार प्राप्त गर्नु पर्ने भन्दै उनले सबै विभेदका विरुद्ध कानून बमोजिम अघि बढ्ने बताए ।
