२०८३, श्रावण १९ गते
२०८३, श्रावण १९ गते
अखिल नेपाल फुटबल संघ (एन्फा) को कार्यकारी वरिष्ठ उपाध्यक्ष पदका उम्मेदवार दावा लामाको उम्मेदवारी तत्कालका लागि कार्यान्वयन नगर्न उच्च अदालत पाटनले अल्पकालीन अन्तरिम आदेश जारी गरेको छ ।
न्यायाधीश तेजेन्द्रप्रसाद शर्मा सापकोटाको एकल इजलासले लामाको उम्मेदवारीलाई स्थगन गर्ने गरी यस्तो आदेश दिएको हो । दीपक खड्काले दायर गरेको रिटमाथि सुनुवाइ गर्दै अदालतले विपक्षी दावा लामा विगतमा लागूऔषध मुद्दामा दोषी ठहर भएको देखिएकाले उम्मेदवारी कायम रहने वा नरहने विषयमा छलफल आवश्यक रहेको ठहर गरेको छ ।
अदालतले आगमी चैत्र १० गते दुवै पक्षलाई अन्तरिम आदेशका सम्बन्धमा छलफलका लागि बोलाएको छ । सो अवधि सम्मका लागि लामाको उम्मेदवारी स्थगन गर्ने गरी अल्पकालीन अन्तरिम आदेश जारी गरिएको हो ।
यस्तै, अदालतले विपक्षी नेपाल सरकार, युवा तथा खेलकुद मन्त्रालय र एन्फा लगायतका निकायलाई १५ दिन भित्र लिखित जवाफ पेश गर्न समेत आदेश दिएको छ । यो आदेश सँगै एन्फाको चुनावी प्रक्रियामा नयाँ मोड आएको छ ।
© 2026 All right reserved to nrnpost.com | Site By : Sobij
