२०८३, श्रावण १९ गते
२०८३, श्रावण १९ गते
पाकिस्तानको काराकोरम हिमशृङ्खला अन्तर्गत पर्ने ब्रोड पिक (८,०४७ मिटर) मा गएको विनाशकारी हिमपहिरोमा परेर विश्व प्रख्यात नेपाली पर्वतारोही निर्मल पुर्जा "निम्सदाइ" को निधन भएको भएको छ ।
उनको कम्पनीले शनिबार एक शोक वक्तव्य जारी गर्दै ब्रोड पीकको हिमपहिरोमा परि बेपत्ता भएका निम्सदाइको निधन भएको जानकारी दिएको हो ।
उक्त दुर्घटनामा उनका भरपर्दा आरोहण साझेदार तथा गाइड पुर बहादुर गुरुङ युक्ता र निमा शेर्पाको पनि निधन भएको छ। आरोहण टोलीका अन्य सदस्यको पनि निधन भएको छ।
"आज हामी अत्यन्तै गहिरो दु:ख र हृदय विदारक पीडाकासाथ ब्रोड पीकमा आएको हिमपहिरोपछी निर्मल (निम्सदाइ) पुर्जाको दु:खद निधन भएको पुष्टि गर्दछौं," जारी शोक वक्तव्यमा उल्लेख गरिएको छ ।
साथै अभियानका क्रम्ममा रहेका हिमपहिरोमा परेका अन्य सदस्यहरू पनि जिवित नरहेको पुष्टि भएको छ ।
वक्तव्यमा निम्सदाइसहित दुर्घटनामा ज्यान गुमाउने सबैप्रति श्रद्धाञ्जली व्यक्त गर्दै उनीहरूका परिवार, साथीभाइ र आफन्तप्रति गहिरो समवेदना प्रकट गरिएको छ । साथै, शोकमा रहेका परिवारको गोपनीयताको सम्मान गर्न सबैसँग आग्रह गरिएको छ।
निम्सदाइलाई विश्व पर्वतारोहण क्षेत्रका महान् आरोहीमध्ये एक, साहस, विनम्रता र दृढ आत्मविश्वासका प्रेरणादायी नेता भएको उल्लेख गर्दै उनका असाधारण उपलब्धिभन्दा पनि ठूलो सपना देख्न, आफ्नै क्षमतामा विश्वास गर्न र सीमिततालाई अस्वीकार गर्न लाखौं मानिसलाई प्रेरित गरेको जनाइएको छ।
निम्सदाइसहित ६ जना नेपाली पर्वतारोही, एक जना पाकिस्तानी, एक जना चिनियाँ, एक जना अमेरिकी र एक जना ओमानी गरि १० जना पर्वतारोही ब्रोड पीकको विनाशकारी हिमपहिरोमा बेपत्ता भएका थिए ।
© 2026 All right reserved to nrnpost.com | Site By : Sobij
