राष्ट्रपती रामचन्द्र पौडेलले ललितपुरको पाटनस्थित कृष्ण मन्दिरको दर्शन गरेका छन् ।
शुक्रबार अपराह्न श्रीकृष्ण जन्माष्टमीको अवसरामा राष्ट्रपति पौडेलले मन्दिरको दर्शन र पुजारीबाट फूल-प्रसाद ग्रहण गरे ।
राष्ट्रपती पौडेललाई ललितपुर प्रतिनिधि सभा निर्वाचन क्षेत्र नम्बर- २ बाट निर्वाचित सांसद जगदीश खरेल र ललितपुर महानगर पालिकाका प्रमुख चिरिबाबु महर्जनले स्वागत गरेका थिए ।
श्रीकृष्ण जन्माष्टमिको अवसरमा हरेक वर्ष राष्ट्र प्रमुखले कृष्ण मदिर पुगेर दर्शन गरि पूजा-आजा गर्ने परम्परा रहेको छ ।
श्रीकृष्ण जन्माष्टमीको अवसरमा बिहानैदेखि प्रसिद्ध कृष्ण मन्दिरमा पूजा-अर्चना तथा दर्शन गर्न भक्तजनको घुइँचो लागेको थियो ।
