आगलागीका कारण अमेरिकामा ५ जना नेपाली भाषीको मृत्यु

काठमाडौं । अमेरिकाको ओहायो राज्यस्थित आक्रन सहरमा आगलागी हुदाँ ५ जना नेपाली भाषी भुटानी परिवारका सदस्यहरूको निधन भएको छ । 

सेप्टेम्बर १३ सोमबारका दिन बिहान आगलागी हुँदा ३ जना बालबालिका र २ जना वयस्कको निधन भएको छ । यस्तै, ४ जना घाइते भएको आक्रन अग्नि नियन्त्रण विभागले जनाएका छन् । ति घाइते ४ जनालाई अस्पताल लागिएको अग्नि नियन्त्रण विभागले जनाएको छ  ।

आक्रन शहरको लिनडेन एभेन्यु स्थित १११८ घर सङ्ख्यामा बिहान १२ ः५० मा आगो लागेको हो । विभागका अनुसार आकस्मिक कामदारहरूले उनीहरूका छिमेकी र नातेदारहरूले त्यहाँ पुगे पछि परिवारका सदस्यहरूलाई बाहिर निकाल्ने प्रयास गरेका थिए । 

नातेदार तथा छिमेकीका अनुसार त्यहाँ २ भुटानी परिवारहरू बस्थे भनी  बताएका छन् । आगलागीका मुख्य अनुसन्धान प्रमुख ग्यारी गुनथरका अनुसार बालबालिका सहित करिब ६० वर्षीय पुरुष तथा ४८ वर्षीय महिलाको निधन भएको बताए । उक्त स्थानमा २०१७ पछिको सबै भन्दा डरलाग्दो आगजनी भएको बताइएको छ ।